مەسرور بارزانی جەخت لەسەر مسۆگەرکردنی شایستە داراییەکانی خەڵکی کوردستان دەکاتەوە

ئاڤا نیوز

سەرۆکوەزیران مەسرور بارزانی و فەخری کەریم، سیاسەتمەدار و سەرۆکی دەزگای ڕاگەیاندن و ڕۆشنبیریی و هونەریی ئەلمەدا، دۆخی گشتیی عێراقیان تاوتوێ کرد.

چیرۆکی سەرەکی: ئەمڕۆ پێنجشەممە 4-9-2025، مەسرور بارزانی، سەرۆکی حکومەتی هەرێمی کوردستان، پێشوازی لە فەخری کەریم، سیاسەتمەدار و سەرۆکی دەزگای ڕاگەیاندن و ڕۆشنبیریی و هونەریی ئەلمەدا کرد.

ڕاگەیێنراوی فەرمی: فەرمانگەی میدیا و زانیاریی حکومەتی هەرێمی کوردستان ڕایگەیاند: لە دیدارەکەدا دۆخی گشتیی عێراق و گرنگیی چارەسەرکردنی کێشەکانی هەرێمی کوردستان و حکومەتی فیدراڵ لەسەر بنەمای دەستوور و ڕێزگرتن لە قەوارەی فیدراڵی هەرێم و مسۆگەرکردنی شایستە داراییەکانی خەڵکی کوردستان تاوتوێ کرا.