بە ئامادەبوونی سەرۆک بارزانی شەقامی پێشمەرگە لە پاریس دەکرێتەوە

ئاڤا نیوز

وا بڕیارە ئەمڕۆ بە ئامادەبوونی سەرۆک بارزانی، شەقامێک لەنێو پارکی 'ئۆندرێ سیترۆی' شەقامێک بەناوی پێشمەرگە ناوبنرێت.

چیرۆکی سەرەکی: ڕۆژی پێنجشەممە 4-9-2025، سەرۆک بارزانی، لەسەر بانگهێشتی فەرمیی حکومەتی فەڕەنسا، بە سەردانێکی فەرمی گەیشتە پاریسی پایتەختی فەرەنسا، لە سەردانەکەیدا، ئومێد خۆشناو، پارێزگاری هەولێر، یاوەری سەرۆک بارزانییە و وا بڕیارە ئەمڕۆ لە ڕێوڕەسمێکی تایبەتدا، شەقامی پێشمەرگە لەنێو پارکی 'ئۆندرێ سیترۆی' بکرێتەوە.

زانیاریی بەدەستهاتوو: جگە لە سەرۆک بارزانی، ژمارەیەک لە بەرپرسانی باڵای فەڕەنسا، بەتایبەت پاریسی پایتەخت لە ڕێوڕەسمەکە ئامادە دەبن، فەرەنسا مەبەستیەتی بە کردنەوەی شەقامی پێشمەرگە لە پایتەختی وڵاتەکە ڕێز لە قارەمانێتیی هێزی پێشمەرگە کوردستان بنێت.

باکگراوند: ڕۆژی چوارشەممە، 23ـ4-2025، ژان نۆوێل بارۆ،  وەزیری دەرەوەی فەرەنسا  وەزیری دەرەوەی فەرەنسا لە فڕۆکەخانەی نێودەوڵەتیی هەولێرەوە، گەیشتە هەرێمی کوردستان و لەمیانەدا لەگەڵ سەرۆک بارزانی کۆبووەوە و چەند پرسێکیان تاووتوێ کرد، هەر لەو دیدارەدا وەزیری دەرەوەی فەڕەنسا، سەرۆک بارزانیی بە فەرمی بانگهێشتی فەڕەنسا کرد.