سەدر پەیامێک لەبارەی قەیرانی ئاو لە عێراق بڵاو دەکاتەوە

ئاڤا نیوز

ڕێبەری ڕەوتی نیشتمانیی شیعە، داوا دەکات دۆسییەی ئاو لە ململانێی سیاسیی و لەکەدارکردنی بە دوور بگیرێت و دەڵێت، "دوای قەیرانی هەمیشەیی کارەبا لە عێراقدا، ئێستا قەیرانی پیسبوونی ئاویشی هاتە سەر".

 

وێنە گەورەکە: بەهۆی گۆڕانی کەشوهەوا و کەمبوونەوەی ڕێژەی بارانبارین و کەمبوونەوەیەکی بەرچاو لە سەرچاوەکانی ئاو لە وڵاتانی دراوسێ،  عێراق ڕووبەڕووی قەیرانێکی وشکەساڵیی تووند بووەتەوە کە بە یەکێک لە مەترسیدارترین ئاڵنگارییە ژینگەییەکان لە مێژووی نوێیدا دادەنرێت.

 

ڕاگەیێنراوی فەرمی: موقتەدا سەدر، ڕێبەری ڕەوتی نیشتمانیی شیعە لە پۆستێکدا لە پلاتفۆرمی ئێکس نووسیویەتی، "دوای قەیرانی هەمیشەیی کارەبا لە عێراقدا، ئێستا قەیرانی پیسبوونی ئاویشی هاتە سەر، ئەمەش بووەتە کێشەیەکی مرۆیی و ناکرێت لەسەری بێدەنگ بین".

 

زانیاریی زیاتر: سەدر داوای کرد دۆسییەی ئاو لە ململانێی سیاسیی و لەکەدارکردنی بە دوور بگیرێت و چیتر هەواڵی درۆ و چەواشەکاری لەم پرسە هەستیارەدا بڵاو نەکرێتەوە.

 

ئەمەش بزانە: بەگوێرەی وەزارەتی کشتوکاڵی عێراق، ئاستی ئاوی کۆگاکراوی پارێزگاکانی دیوانیە، موسەننا و زیقار بەڕێژەیەکی مەترسیدار کەمبووەتەوە، ئەمەش وایکردووە لەماوەی ڕابردوودا، 742 خێزان لەو سێ پارێزگایەوە ئاوارەی پارێزگای نەجەف بن.