یەکێتی لە دوو بازنەی هەڵبژاردن لیستی بەربژێرانی پێشکەشی کۆمیسیۆن کردووە

ئاڤا نیوز

 

سەرەڕای ئەوەی هێشتا پارتی لیستی بەربژێرەکانی بۆ کۆمیسیۆن نەناردووە، بەڵام یەکێتی لە دوو بازنەی هەڵبژاردن لیستی بەربژێرانی پێشکەشی کۆمیسیۆن کردووە.

 

وێنە گەورەکە: کەمتر لە دوو کاتژمێر بۆ تەواوبوونی وادەی پێشکەشکردنی لیستی بەربژێرانی قەوارە سیاسییەکان ماوە، تاوەکو ئێستا پارتی لیستەکەی بۆ کۆمیسیۆن نەناردووە و یەکێتیش تەنیا لە دوو بازنە لیستی بەربژێرانی پێشکەش کردووە.

 

لێدوانی فەرمی: د. عیماد جەمیل، سەرۆکی تیمی ڕاگەیاندنی کۆمیسیۆنی باڵای سەربەخۆی هەڵبژاردنەکان بە ئاڤا نیوزی گوت: "یەکێتی لە بازنەکانی سلێمانی و هەڵەبجە لیستی بەربژێرانی بۆ کۆمیسیۆن ناردووە، لە بازنەکانی هەولێر و دهۆک لیستەکەیان پێشکەش نەکردووە".

 

ئەوەش بزانە: بەهۆی هەبوونی مەرج و تێبینی لەبارەی شێوازی هەڵبژاردن، تاوەکو ئێستا پارتی لیستی بەربژێرانی پێشکەش نەکردووە و جەخت دەکاتەوە کە هەڵبژاردن "بە دەستوەردانی نایاسایی و ئەجێندای دەرەکی و  بێ بەشداریکردنی پێكهاتەكان ناكرێت". هەروەها چەند لیستێکی دیکەش ناوی بەربژێرانیان پێشکەش نەکردووە.