280 کۆمپانیا لە پێشانگای نێودەوڵەتیی خانووبەرە لە هەولێر بەشدارن

ئاڤا نیوز

 

لە پێشانگای نێودەوڵەتیی خانووبەرە و وەبەرهێنان لە هەولێر، 280 کۆمپانیا لە 16 وڵاتی جیهانەوە بەشدارییان کردووە، ماوەی چوار ڕۆژ بەردەوام دەبێت و لە کاتژمێر 10:00ـی بەیانی تاوەکو 6:00ـی ئێوارە کراوە دەبێت، پێشانگاکە دەرفەتێکە بۆ ئەوەی کۆمپانیا جیهانییەکان ڕوو لە کوردستان بکەن، سەرمایەکانیان بخەنەگەڕ و وەبەرهێنان بکەن. 

بۆچی گرنگە: پێشانگای وەبەرهینان و خانووبەرە کاریگەریی ئەرێنی لەسەر جووڵەی بازار دەبێت، هاوکات هەزاران هاونیشتمانی سوود لەو داشکانانە وەردەگرن کە لەلایەن پرۆژە بەشداربووەکانی پێشانگاکەوە پێشکەش دەکرێن.

باکگراوند: ساڵی ڕابردوو زیاتر لە 260 کۆمپانیای ناوخۆیی و نێودەڵەتی بەشدارییان لە پێشانگاکەدا کرد، لە چوار ڕۆژدا نزیکەی 60 هەزار هاووڵاتی سەردانیان کرد و زیاتر لە 280 گرێبەست واژۆ کران.