سوید باڵیۆزی ڕووسیا بانگهێشت دەکات

ئاڤا نیوز

 وەزارەتی دەرەوەی سوید ڕایگەیاند، باڵوێزی ڕووسیایان بانگهێشت کردووە بۆ ناڕەزایەتیی دەربڕین بەرامبەر بە بەزاندنی ئاسمانی پۆڵەندا لەلایەن ڕووسیاوە. 

لێدوانی فەرمی: ماریا مالمێر ستینەرگارد، وەزیری دەرەوەی سوید، دوای دیدارەکەی لەگەڵ باڵیۆزی ڕووسیا، لە بەیاننامەیەکدا ڕایگەیاند پێشێلکارییەکانی ڕووسیا جێگەی قبوڵکردن نییە و هەڕەشەیە بۆ سەر ئاسایشی ئەوروپا.

چیرۆکی سەرەکی: بەرپرسانی پۆڵەندا دەڵێن: فڕۆکە بێفڕۆکەوانەکانی ڕووسیا 19 جار ئاسمانی ئەو وڵاتەیان بەزاندووە، ئەم ڕووداوە هەڕەشەیەکی "بێ وێنە"یە بۆ سەر پۆڵەندا و ناتۆ و یەکێتی ئەوروپا. 

لەلایەکی دیکەوە: مۆسکۆ ڕەتیدەکاتەوە پۆڵەندای کردبێتە ئامانج و دەڵێت تەنیا ڕووداوێکە بووە.

ئەمەش بزانە: لانیکەم سێ فڕۆکەی بێفڕۆکەوانی ڕووسیا خراونەتە خوارەوە و هیچ زیانێکی گیانیش لە ڕووداوەکە نەکەوتووەتەوە.