میدیاکانی تورکیا: ئۆجەلان پارتێکی نوێ دادەمەزرێنێت

ئاڤا نیوز

میدیاکانی تورکیا لەسەر زاری سێدات بۆزکورت، ڕۆژنامەنووسی ئەو وڵاتە بڵاویان کردووەتەوە کە عەبدوڵڵا ئۆجەلان لە ئیمراڵی ئامادەکاری بۆ دروست کردنی پارتێکی سیاسی نوێ دەکات، سەرۆکی ئەو پارتەش سەڵاحەددین دەمیرتاش نابێت وەک ئەوەی چاوەڕێ دەکرێت، بەڵکو پەروین بوڵدان دەکاتە سەرۆکی پارتە نوێیەکە.

وێنە گەورەکە: لە دوای پرۆسەی ئاشتییەوە دەنگۆی گۆڕینی ناو و لۆگۆی دەم پارتی هەیە، بەڵام تاوەکو ئێستا بابەتەکە تەنیا وەک دەنگۆ ماوەتەوە و بە فەرمی هیچ شتێک لەو بارەیەوە ڕانەگەیێنراوە. ئێستاش دەنگۆی دروستکردنی پارتێکی نوێی کوردی هەیە.

زانیاری بەدەستهاتوو: بە گوێرەی زانیارییە میدیایەکان، دەم پارتی بە تەواوی هەڵدەوەشێتەوە و بەڵام هەدەپە هەڵناوەشێتەوە، بەڵکو هەدەپە کە ئەو پارتە بوو سەڵاحەددین دەمیرتاش، سەرۆکایەتی دەکرد، بە ناو ولۆگۆیەکی نوێ دروست دەکرێتەوە.

زانیاریی زیاتر: پارتە نوێیەکەی ئەمجارە، پارتەکەی ئۆجەلان دەبێت، تەنانەت ئەگەر سەڵاحەددین دەمیرتاش لە زیندان ئازاد بکرێت، هەر ئۆجەلان نایکاتە سەرۆکی پارتەکە، بەڵکو پەروین بوڵدان دەبێت بە سەرۆکی پارتە نوێیەکەی کوردانی باکووری کوردستان. بە گوێرەی ڕۆژنامەنووسەکە.