ئاسایشی هەولێر: چوار تۆمەتبارمان دەستگیر کرد کە هەڵيانکووتابووە سەر ماڵێک

ئاڤا نیوز

ئاسایشی هەولێر دەستگیر کردنی چوار  تۆمەتباری ڕاگەیاند، کە هەڵیانکوتاوەتە سەر ماڵێک و هەوڵی سووتاندنی ئۆتۆمبێلێکیان داوە.

چیرۆکی سەرەکی: کەسێک لەسەر پارەو میرات کێشەی کۆمەڵایەتی لەگەڵ ماڵی خاڵەکانی هەبووە، سێ کەسی دیکەی هانداوە چەند جارێک لە بەرامبەر بڕیک پارە هەڵبکوتنە سەر ماڵی خاڵەكانی.

ڕاگەیێنراوی فەرمی: لەلایەن هێزەکانی ئاسایش چوار تۆمەتبار بەناوەکانی(ش ،م ،ی)، (ع ،س،م)، (ن ، أ ، پ) و (ل ، م ، ک)، دەستگیركراون تۆمەتباری سەرەکی (ش ،م ،ی) سیانی دیکەی هانداوە بۆ ئەوەی هەڵبکووتنە سەر ئەو ماڵە، ئەوانیش بە چەکی بێ مۆڵەت تەقەیان لەماڵیی خاڵەکانیان کردووە. ئاسایشی هەولێر وادەڵێت.

زانیاریی زیاتر: یەکێک لەو تۆمەتبارانە، لە گەڕەکی موفتی شاری هەولێر، هەوڵی سوتاندنی ئۆتۆمبێلی خاڵی داوە.