ڕووسیا جەخت لە بەردەوامیی پەیوەندییەكانی لەگەڵ هەرێمی كوردستان دەكاتەوە

ئاڤا نیوز

كونسوڵی گشتیی وڵاتی ڕووسیا لە هەولێر، جەخت لە بەردەوامیی پەیوەندییەكانی نێوان وڵاتەكەی و هەرێمی كوردستان دەكاتەوە.

چیرۆكی سەرەكی: ڕۆژی چوارشەممە 17ـی ئەیلوولی 2025، د. ئومێد سەباح، سەرۆکی دیوانی ئەنجوومەنی وەزیران، پێشوازیی لە ماکسیم ڕۆبین، کونسولی گشتیی وڵاتی ڕووسیا لە ھەولێر کرد و، لە دیدارێكدا بیروڕا لەبارەی دوایین پەیوەندییەكانی نێوان هەرێمی كوردستان و وڵاتی ڕووسیا ئاڵوگۆڕ كران.

لێدوانی فەرمی: د. ئومێد سەباح، سەرۆكی دیوانی ئەنجوومەنی وەزیرانی هەرێمی كوردستان، لە لاپەڕەی فەرمیی خۆی لە فەیسبووك ڕایگەیاند، لە دیدارەكەدا دوایین پەرەسەندنەكانی نێو پرۆسەی سیاسیی عێراق و هەرێمی كوردستان و گفتوگۆ و پەیوەندییەكانی نێوان حكومەتی هەرێمی كوردستان و حكومەتی فیدراڵ، گفتوگۆی لەبارەیەوە كرا.

ئاماژەی بەوەش كردووە، ڕووسیا جەخت لە بەردەوامیی پەیوەندییەكانی لەگەڵ هەرێمی كوردستان دەكاتەوە.