شەقامێکی دیاری شاری سلێمانی دادەخرێت

ئاڤا نیوز

شەقامێکی دیاری شاری سلێمانی دادەخرێت و ئاڤا میدیا کاتی کرانەوەی شەقامەکە بەڕووی شۆفێراندا ئاشکرا دەکات.

چیرۆکی سەرەکی: کاتژمێری حەوتی ئێوارەی ئەمڕۆ پێنجشەممە 18-9-2025، هەردوو شەقامی بازنەیی مەلیک محموود لەبەردەم بەنزینخانەی بینایی بە ئاراستەی ڕۆیشتن بەرەوەو مزگەوتی شێخ سەعیدی پیران، شەقامی بازنەیی مەلیک محموود لەبەردەم گەراجی پاسە کانی بەختیاریی تازە بە ئاراستەی ڕۆیشتن بەرەو چێشخانەی یۆرۆ دادەخرێن.

لێدوانی فەرمی: زەردەشت ڕەفیق، وتەبێژی شارەوانی سلێمانی بە ئاڤای ڕاگەیاند: ئەو مەودایە قیرتاو دەکرێت و داواکارین لە هاووڵاتییان و شۆفێران شەقامە لاوەکییەکان وەک جێگرەوە بەکاربهێنن. 

زانیاریی زیاتر: بە گوتەی وتەبێژی شارەوانیی سلێمانی، سبەی هەینی شەقامەکە بەڕووی شۆفێراندا دەکرێتەوە، بەڵام کاتەکەی دیار نییە و لەسەر ئەوە وەستاوە کەی ئۆتۆمبێلەکان دەتوانن بەسەر شەقامەکەدا بڕۆن.