شیرینییەکی کوردەوارییانە؛ دروستکردنی باسووق و سجووق لە گوندی کانی توو

ئاڤا نیوز

لەنێو دۆڵێکی دڵڕفێنی ئەم نیشتمانە و لەنێو کەشوهەوایەکی سازگار و پڕ لە دارودرەختدا، گوندی کانی توو لە سنووری قەزای دووکان هەڵکەوتووە. کاتێک ترێ پێدەگات، ڕەزەکان پڕ دەبن لە جووتیارە دەستڕەنگینەکان و هاوکات سەربانی ماڵەکانیش پڕ دەبێت لە باسووق و سجووق.

ئەوەی پێویستە بیزانیت: قۆناغەکانی دروستکردنی باسووق و سجووق: سەرەتا ترێی ڕەش و سپی کۆدەکرێتەوە. دواتر ترێکە دەکرێتە ناو گونی و لەگەڵ خۆڵی تایبەت تێکەڵ دەکرێت، پاشان دەگوشرێت و دەکرێت بە شەربەت. دواتر شەربەتەکە دەکوڵێنرێت تا بە تەواوی خەست دەبێتەوە و لەگەڵ ئارد تێکەڵ دەکرێت. دوای ساردبوونەوە، دەخرێتە سەر بان یان شوێنێکی کراوە تاوەکو وشک دەبێتەوە و دەبێتە باسووق و سجووق.