بابل وەک پایتەختی پیشەسازیی عێراق ناسێنرا

ئاڤا نیوز

پارێزگای بابل بە فەرمی وەک "پایتەختی پیشەسازیی عێراق" ناسێنرا و سەرۆکوەزیرانی عێراقیش ڕایگەیاند، بابل،  پایتەختی شارستانییەت و مێژووە، ئەمڕۆ ناوێکی نوێی بۆ زیاد دەکرێت: ئەویش "پایتەختی پیشەسازیی عێراق"ـە.

چیرۆکی سەرەکی: ڕۆژی دووشەممە 2025-9-22، لە ڕێوڕەسمێکدا بە ئامادەبوون و سەرپەرشتی ڕاستەوخۆی محەممەد شیاع سوودانی، سەرۆکوەزیرانی عێراق، پارێزگای بابل بە فەرمی وەک "پایتەختی پیشەسازیی عێراق" ناسێنرا.

لێدوانی فەرمی: محەممەد شیاع سوودانی، سەرۆکوەزیرانی عێراق ڕایگەیاند: بابل چەندین تایبەتمەندی هەیە وای لێدەکات شایستەی ئەم نازناوە بێت، لەوانە شوێنی جوگرافیی ستراتیژی و بەهێزیی توانایی بۆ پرۆسەی تەواوکاریی کەرتی کشتوکاڵ و پیشەسازی.

سوودانی جەختی لەسەر ڕۆڵی کەرتی تایبەت کردەوە ئاماژەی بەوەدا، "لێرە لە بابل کەرتی تایبەت بە شێوەیەکی کارا ئامادەیی هەیە، دەتوانن ژمارەیەکی زۆری کارگە بونیاد بنێن و بەرهەمی کوالێتی بەرز پێشکەش بکەن کە شایستەی هەناردەکردن بن بۆ وڵاتانی دراوسێ." هەروەها ڕەخنەی لە وەستاندنی پڕۆژە پیشەسازییەکان لە ساڵانی ڕابردوودا گرت.

لەلایەکی دیکەوە: عەدنان فیحان، پارێزگاری بابل، ڕایگەیاند، "تەواوی مەرج و پێداویستییەکانمان بۆ ڕاگەیاندنی بابل وەک پایتەختی پیشەسازیی عێراق جێبەجێ کردووە." بابل شایستەی ئەم نازناوەیە، چونکە "دڵی وڵاتە و باکوور بە باشوور و ڕۆژهەڵات بە ڕۆژئاوا دەبەستێتەوە."

پارێزگاری بابل ئاشکرای کرد، پارێزگاکە خاوەنی دوو شاری پیشەسازییە و چەندین پڕۆژەی ستراتیژیی تێدایە، کە پێشبینی دەکرێت زیاتر لە 50 هەزار هەلی کار بۆ دانیشتووانی پارێزگاکە بڕەخسێنن.