کوردێک دەستی شای ئێرانی ماچ نەکرد و لەڕێگەی دەرزیی ژەهراوییەوە شەهید کرا

ئاڤا نیوز

 

چیرۆکی سەرەکی: حەبیبوڵڵاخان، پیاوێکی گەورەی هۆزی مەنمی و کوڕی محەممەد حەسەن بەگ، یەکێک بوو لەو قارەمانانەی کە ناوی لە مێژووی هۆزەکەیدا بە زێڕ نووسراوەتەوە. لە شەڕی هەوازۆدا، حەبیبوڵڵاخان ڕۆڵێکی بێ وێنەی گێڕا، ژیانی دەیان کەسی لە مردن ڕزگار کرد، بەڵام ئەم سەرکەوتنە بە نرخێکی قورس بەدەست هات – چوار برای لەم شەڕەدا شەهید بوون، کە خەمێکی قووڵی لە دڵیدا چاند.

 

دوای شەڕەکە، کاتێک زانی بەشێکی زۆری هۆزەکەی لەلایەن حکومەتی ئەوکاتەی ئێرانەوە سەرکوت کراون و کوژراون، بڕیارێکی سەختی دا. لەگەڵ بەشێک لە کەسە نزیکەکانی، ماڵ و حاڵی بەجێهێشت و ڕووی کردە دەڤەری هەورامان، سێ ساڵ لەوێ بە دووری لە زێدی خۆی مایەوە.

 

لە سەردەمی حوکمڕانی محەممەد ڕەزا شادا، حەبیبوڵڵاخان گیرا، بەڵام دواتر ئازاد کرا. پاش ئەم ڕووداوە، محەممەد ڕەزا شا ژمارەیەک لە سەرۆک هۆزەکانی بانگێشت کرد بۆ تاران تاوەکو لە مەراسیمێکدا خەڵاتیان بکات و حەبیبوڵڵاخان یەکێک بوو لەو بانگێشتکراوانە. لەکاتی پێدانی خەڵاتەکان هەموو سەرۆک هۆزەکان دەستی محەمەمد ڕەزا شایان ماچ کرد تەنیا حەیببوڵڵاخان نەبێت، ئەمەش ڕەزا شای تووڕە کرد و بڕیاری دا لەناوی ببات، سەرئەنجام لەڕێگەی دەرزییەکی ژەهراوییەوە لە بەردەم ئەو هۆتێلەی تیایدا دەمایەوە لە تاران شەهید کرا.