سیاسەتمەدارێکی عێراقی: سوودانی نەیتوانیوە لەگەڵ ترەمپ کۆبێتەوە

ئاڤا نیوز

سیاسەتمەدارێکی عێراقی دەڵێت: "سەرەڕای هەوڵەکانی، محەممەد شیاع سوودانی، بەڵام نەیتوانیوە کاتێک بۆ کۆبوونەوە لەگەڵ دۆناڵد ترەمپ، دەستەبەر بکات، لە کاتێکدا ئەحمەد شەرع، سەرۆکی نوێی سووریا، پێشوازییەکی فەرمی گەرمی لەلایەن سەرۆکی ئەمریکا و دەسەڵاتدارانی ئەو وڵاتە لێدەکرێت.

لێدوانی فەرمی: عەدنان زورفی، سەرۆکی هاوپەیمانیی بەدیل، کە تازە لە واشنتن گەڕاوەتەوە، لە چاوپێکەوتنێکی تەلەفزیۆنیدا، نیگەرانیی خۆی لەبارەی پاشەکشەی پێگەی عێراق لە کۆڕ و کۆبوونەوە نێودەوڵەتییەکاندا دەربڕی و  ئاماژەی بەوەدا، لە کاتێکدا ئەحمەد شەرع، سەرۆکی نوێی سووریا، پێشوازییەکی فەرمی گەرمی لە نیویۆرک لەلایەن  سەرۆکی ئەمریکا و دەسەڵاتدارانی ئەو وڵاتە لێدەکرێت، بەڵام محەممەد شیاع سوودانی، سەرۆکوەزیرانی عێراق نەیتوانیوە بۆ چەند خولەکێکیش کۆبوونەوەیەک لەگەڵ دۆناڵد ترەمپ، سەرۆکی ئەمریکا، دەستەبەر بکات. 

زانیاریی زیاتر: زورفی، باسی لەوەشکرد، زانیاریی دەست کەوتووە، کە ئەمریکا پاکێجێکی نوێی سزاکانی لەسەر چەند کەسایەتییەکی سیاسی و ئابووریی و هەموو ئەوانەی لەگەڵ گرووپە چەکدارەکان کاردەکەن و دەست کەوتووە و ڕاشیگەیاند، ئەنجوومەنی ئاسایشی نیشتمانی و وەزارەتی دەرەوەی ئەمریکا، وەک بەشێک لە پرسی ئێران مامەڵە لەگەڵ عێراق دەکەن، ئەمەش کاریگەریی نەرینی لەسەر پەیوەندییەکانی بەغدا لەگەڵ واشنتۆن دروست کردووە.