ئێران باڵیۆزەکانی لە بەریتانیا، فەرەنسا و ئەڵمانیا بانگهێشت دەکاتەوە

ئاڤا نیوز

ئێران لە بەرامبەر بڕیاری ئەنجوومەنی ئاسایش بۆ ڕەتکردنەوەی دواخستنی سەپاندنەوەی سزاکان هەڵوێستی دیپلۆماسی وەردەگرێت و باڵیۆزەکانی وڵاتەکەی لە سێ وڵاتی ئەوروپی بانگێشت دەکاتەوە.

 

چیرۆکی سەرەکی: دوای ئەوەی لەسەر داوای هەر یەکە لە بەریتانیا، فەڕەنسا و ئەڵمانیا ئەنجوومەنی ئاسایشی نەتەوەیەکگرتووەکان ڕەتی کردنەوە سزا نێودەوڵەتییەکانی پەیوەست بە بەرنامەی ئەتۆمی بۆ سەر ئێران دوابخات، ئێران باڵیۆزەکانی لەو وڵاتانە بانگهێشت کردەوە.

 

ڕاگەیێنراوی فەرمی: وەزارەتی دەرەوەی ئێران لە بەیاننامەیەکدا ڕایگەیاندووە مەبەست لە بانگهێشتکردنەوەی باڵیۆزەکانی بۆ ڕاوێژکردنە لەگەڵیان سەبارەت بە پێشهاتەکان.

 

ئەمەش بزانە: چین و ڕووسیا پێشنیازیان کردبوو کە گەڕانەوەی سزاکانی پێشووی ئەنجوومەنی ئاسایش بۆ سەر ئێران بۆ سەرەتای بەهار دوابخرێت، بەڵام پێشنیازەکە ڕەتکرایەوە.