سەرۆک بارزانی و بافڵ تاڵەبانی پرسی پێکهێنانی کابینەی نوێی حکومەت تاوتوێ دەکەن

ئاڤا نیوز

سەرۆک مەسعود بارزانی و بافڵ تاڵەبانی، سەرۆکی یەکێتی لە پیرمام لەبارەی دۆخی سیاسی کوردستان و ناوچەکە و پێکهێنانی کابینەی نوێی حکومەتی کوردستان کۆبوونەوە.

وێنە گەورەکە: دوای تێپەڕبوونی نزیکەی ساڵێک بەسەر هەڵبژاردنی پەرلەمانی کوردستان، پارتی  و یەکێتی مەبەستیانە بەزووترین کات حکومەتی نوێی کوردستان پێکبهێنرێت و چیتر دوانەکەوێت.

ڕاگەیێنراوی فەرمی: بارەگای بارزانی ڕاگەیاند، ئەمڕۆ شەممە 2025-09-27 لە سەڵاحەددین، سەرۆک مەسعود بارزانی، پێشوازی لە بافڵ تاڵەبانی کردووە. لە دیداری نێوانیان باسی بارودۆخی سیاسی عێراق و ناوچەکە و پرۆسەی سیاسی لە هەرێمی کوردستان کراوە. هاوکات پرسی پێکهێنانی کابینەی نوێی حکومەتی هەرێمی کوردستان بەشێکی دیکەی بابەتی دیدارەکە بووە.

لەلایەکی دیکەوە: بافڵ تاڵەبانی، سەرۆکی یەکێتی نیشتمانی کوردستان لە لاپەڕەی فەرمی خۆی لە فەیسبووک هەمان پەیامی بە هەمان ناوەرۆک بڵاوکردەوەتەوە.

باکگراوند: دووەم جارە سەرۆک بارزانی و بافڵ تاڵەبانی کۆ دەبنەوە، کۆبوونەوەی یەکەم لە ڕۆژی 2025-07-14 بەهەمان شێوە لە پیرمام بوو