هەرێمی کوردستان کورتهێنانی باشوور و ناوەڕاستی عێراق لە بەرووبوومە کشتوکاڵییەکان پڕدەکاتەوە

ئاڤا نیوز

 

ساڵی ڕابردوو نزیکەی یەک ملیۆن و 200 هەزار تۆن بەرووبوومی کشتوکاڵی لە هەرێمی کوردستانەوە هەناردەی ناوچەکانی باشوور و ناوەڕاستی عێراق کراوە.

 

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤای گوت، بەپێی پێگەیشتنی بەرووبوومی زستانە و هاوینە، پشتگیریمان بە جووتیاران داوە بۆ ئەوەی بەرووبوومە کشتوکاڵییەکانیان لە بازاڕەکانی باشوور و ناوەڕاستی عێراق بە بازاڕ بکەن.

 

ئەوەی پێویستە بیزانیت: بەپێی داتاکانی وەزارەتی کشتوکاڵی هەرێمی کوردستان، لە ماوەی ساڵی 2025، لە هەرێمی کوردستانەوە یەک ملیۆن و 194 هەزار و 891 تۆن لە جۆرەکانی سەوزە و میوە و بەرووبوومی کشتوکاڵی هەناردەی باشوور و ناوەڕاستی عێراق کراوە.

 

زانیاریی زیاتر: ئەو بەرووبوومە کشتوکاڵییانەی ڕەوانە کراون، ئەوانەن کە لە باشوور و ناوەڕاستی عێراق نین یان بڕی بەرووبوومەکە بەشی پێداویستیی ناوخۆی ئەو ناوچانە ناکات، وەک پەتاتە، تەماتە، پیاز، هەنار، سێو، خیار، کودی، شوتی، کاڵەک، قەیسی، خۆخ، باینجان، بیبەر، کەلەرم، چەوەندەر و سێوی ژێرزەوی.

 

ژمارەکان وا دەڵێن: بەپێی داتاکان زۆرترین ئەو بەرووبوومە کشتوکاڵیانە، لە پارێزگای هەولێرەوە هەناردەی بازاڕەکانی باشوور و ناوەڕستی عێراق کراون بەمجۆرە:

هەولێر؛ 600 هەزار تۆن بەرووبوومی کشتوکاڵی.
سلێمانی؛ 385 هەزار و 500 تۆن بەرووبوومی کشتوکاڵی.
دهۆک؛ 209 هەزار و 391 بەرووبوومی کشتوکاڵی.