مەسرور بارزانی لە تەندروستیی ئیسماعیل بێشکچی دەپرسێت

ئاڤا نیوز

سەرۆکوەزیران مەسرور بارزانی لە تەندروستیی ئیسماعیل بێشکچی دەپرسێت و ئامادەیی هەموو هاوکارییەکیش دەردەبڕێت.

چیرۆکی سەرەکی: ئێوارەی دوێنێ شەممە 27-5-2025، لە کاتی بەڕێوەچوونی نۆیەمین فێستیڤاڵی بەڵگە فیلم، د. ئیسماعیل بێشکچی، نووسەر و کۆمەڵناسی تورک و دۆستی کورد دووچاری جەڵتەی مێشک بوو، بە هۆیەوە گەیێنرایە نەخۆشخانە.

ڕاگەیینراوی فەرمی: ماڵپەڕی حکومەتی هەرێمی کوردستان بڵاویکردەوە، مەسرور بارزانی، سەرۆکوەزیرانی کوردستان لە تەندروستیی نووسەر و کۆمەڵناسی ناسراوی تورک و دۆستی گەلی کورد د. ئیسماعیل بێشکچی دەپرسێت، کە ئێستا لە نەخۆشخانەیە.

زانیاریی زیاتر: سەرۆکوەزیران لە پەیوەندییەکەدا لەگەڵ وەقفی ئیسماعیل بێشکچی، هیوای زوو چاکبوونەوەی بۆ بێشکچی خواست و ئامادەیی هەموو هاوکارییەکی بۆ چارەسەرکردنی دەربڕی.

ئەمەش بزانە: بڕیاربوو د. ئیسماعیل بێشکچی لە فستیڤاڵی نێودەوڵەتیی فیلمی سینەمای سلێمانی بەشداریی بکات، بەهۆی ئەم بارە لەناکەوەیەوە دیارنییە دەتوانێت بەشداریی بکات یاخود نا. 

باکگراوند: ئیسماعیل بێشكچی نووسەر و كۆمەڵناس لە 7-1-1939 لە پارێزگای چۆڕووم لە دایکبووە. دەرچووی كۆلێژی زانستە سیاسییەكانە لە زانكۆی ئەنقەرە و لە ساڵی 1965دا دكتۆرای لە بواری كۆمەڵایەتیی بەناونیشانی "گۆڕانكاری لە رۆژهەڵات و كێشە بنیاتنەرەكان و كۆچی هۆزەكان" بەدەست هێنا. لە ساڵی 1970 دكتۆراكەی لێ سەنرایەوە و لە ساڵی 1971 لە ئامەد بۆ ماوەی 17 ساڵ و دوو مانگ زیندانی کرا.