نێچیرڤان بارزانی پاڵپشتی خۆی بۆ پڕۆژەی "هەژماری من" دووپات دەکاتەوە

ئاڤا نیوز

 

سەرۆکی هەرێمی کوردستان لەگەڵ تیمی پرۆژەی "هەژماری من" کۆبووەوە و پاڵپشتی خۆشی بۆ پرۆژەکە دووپاتکردەوە.

چیرۆکی سەرەکی: ئەمڕۆ دووشەممە 29-9-2025، نێچیرڤان بارزانی، سەرۆكی هەرێمی كوردستان پێشوازی لە تیمی پرۆژەی "هەژماری من" بە مەبەستی وەرگرتنەوەی کارتە بانکییەکەیان و تەواوکردنی خۆتۆمارکردنیان لە پڕۆژەکە کرد.

لە دیداره‌که‌دا، نێچیرڤان بارزانی پشتگیری خۆی بۆ پڕۆژەی هەژماری من دووپاتکردەوە و ستایشی ئەو تیمە لاوەی کرد کە پڕۆژەکە بەڕێوە دەبەن. 

زانیاریی زیاتر: تیمەکە لە شیلان دۆسکی، بەرپرسی پڕۆژە تایبەتەکان لە نووسینگەی سەرۆکوەزیران، بە یاوەری ئاراس سەڵاح، سەرپەرشتیاری پڕۆژەی هەژماری من، پێکهاتبوون.

ئەوەی پێویستە بیزانیت: پڕۆژەی هەژماری من، پڕۆژەیەکی ستراتیژیی حکومەتی هەرێمی کوردستانە لە کابینەی نۆیەم، بۆ بە بانکیکردنی مووچەی تەواوی مووچەخۆران، تاکو ئێستا زیاتر لە 900 هەزار مووچەخۆری حکومەتی هەرێمی کوردستان لە پڕۆژەی هەژماری من تۆمارکراون. حکومەتی هەرێمی کوردستان ئامانجیەتی تاکو کۆتایی ساڵی 2025 پڕۆژەکە تەواو بکات.