زانکۆی پۆلیتەکنیکی دهۆک ژمارەیەک بەشی زانستیی نوێ دەکاتەوە

ئاڤا نیوز

بۆ ئەمساڵی خوێندن زانکۆی پۆلیتەکنیکی دهۆک، شەش بەشی زانستیی نوێ دەکاتەوە و دەرچووانی پۆلی 12ی ئامادەیی دەتوانێت داواکاری وەرگرتن بۆ ئەم بەشە نوێیانە پێشکەش بکەن.

وێنە گەورەکە: بەپێی گۆڕانکاری و پێشکەوتنەکان و خواستی بازاڕی کار بۆ دەستی کاری جیاوازی ئەکادیمی، لەهەمان کاتیش گرنگیدان بە بواری زانستی جیاواز، ئەمساڵ زانکۆ و پەیمانگاکانی هەرێمی کوردستان ژمارەیەک کۆلێژ و بەشی نوێیان کردووەتەوە.

لێدوانی فەرمی: سەرکەوت ڕەشید، بەرپرسی بەشی ڕاگەیاندنی ئەم زانکۆیە بە ئاڤا میدیای ڕاگەیاند: بۆ ساڵی خوێندنی 2025 - 2026 شەش بەشی نوێمان کردووەتەوە و دەرچووانی 12ی ئامادەیی دەتوانن داواکاری وەرگرتن بۆ ئەمساڵی خوێندن پێشکەشی ئەو بەشە نوێیانە بکەن.

زانیاریی زیاتر: ئەم بەش نوێنانە لەسەر چەند بنەمایەکی زانستی و خواستی بازاڕ کراونەتەوە و پێکهاتوون لەمانە:-

-    بەشی ئەندازیاری ئاسایشی سایبەری (سایبەر سیکوریتی) لە کۆلێژی تەکنیکی ئەندازیاری دهۆک.

- بەشی ژیریی دەستکرد

- بەشی تەکنەلۆجیای دارایی

- بەشی تەکنەلۆجیای ئامێرەکانی پزیشکی 

 بەشی سیستمی بیناسازی

-    کارگێڕی کار لە پەیمانگای تەکنیکی شنگاڵ

باکگراوند: زانکۆی پۆلیتەکنیکی دهۆک لە 1988 دامەزاراوە، ساڵی 2012 وەک زانکۆ ناسێنراوە،  زامکۆکە پێنج کۆلێژ و شەش پەیمانگا و 51 بەشی زانستی جیاواز لەخۆ دەگرێت.

گۆشەیەکی دیکەی دیمەنەکە: بۆ ئەمساڵی خوێندن وەزارەتی خوێندنی باڵای عێراق، زانکۆی پۆلیتەکنیکی دهۆک خستووەتە ناو ڕێبەری وەرگرتنی قوتابیان لە عێراق.