پەیکەری مام جەلال پێش پەردەلادان لەسەری لە کەرکووک دەبێتە ترێند

ئاڤا نیوز

 

دانانی پەیکەرێکی گەورە بۆ مام جەلال تاڵەبانی لە دەروازەی شاری کەرکووک، بەتایبەتی لەسەر ڕێگای نێوان سلێمانی و کەرکووک، بووەتە بابەتێکی گەرم و مشتومڕێکی زۆری بەدوای خۆیدا هێناوە لە تۆڕە کۆمەڵایەتییەکاندا و بووەتە ترێند.

 

ئەوەی پێویستە بیزانیت: سەرەڕای ئەوەی هێشتا پەردە لەسەر پەیکەرەکە لانەدراوە، بڵاوبوونەوەی وێنەکانی لە کاتی دانانیدا کاردانەوەی جۆراوجۆری لێکەوتووەتەوە. بڕیارە لە ئایندەیەکی نزیکدا پەردە لەسەر پەیکەرەکە دابنرێت.

 

زانیاریی زیاتر: پەیکەرەکە بە بەرزی 6 مەتر، گەورەترین پەیکەری مام جەلالە لە تەواوی عێراق و هەرێمی کوردستاندا. لە ماددەیەکی مەڕمەڕی دەستکرد دروست کراوە کە بە گوتەی دروستکەرانی، زەمانەتی 50 ساڵی هەیە بۆ خۆڕاگری. سامان ئەبوبەکر، پەیکەرسازێکی ناسراو، کاری دروستکردنی ئەم پەیکەرەی لە ئەستۆ گرتووە.

 

پڕۆژەی دروستکردنی ئەم پەیکەرە، لەگەڵ سێ پڕۆژەی دیکەدا، بە گوژمەی گشتی 7 ملیار و 600 ملیۆن دینار خەمڵێنراوە.