بەهۆی لێدوانەکانی دژی باوکی سوودانی، ماڵی عیزەت شابەندەر گەمارۆ دەدرێت

ئاڤا نیوز

لە کاردانەوەیەکی تووند و مشتومڕاویدا، دەیان کەس لە ئەندامانی هۆزی سوودانی، ماڵی غالیب شابەندەر، توێژەر و سیاسەتمەداری عێراقی، لە ناوچەی کەڕادەی ناوەڕاستی بەغدای پایتەخت گەمارۆدا. ئەم هەنگاوە دوای لێدوانەکانی شابەندەر دێت سەبارەت بە باوکی محەممەد شیاع سوودانی، سەرۆکوەزیرانی عێراق.

چیرۆکی سەرەکی: لە چاوپێکەوتنێکی تەلەفزیۆنیدا، غالیب شابەندەر ڕایگەیاندبوو کە باوکی محەممەد شیاع سوودانی لە ڕیزەکانی حزبی دەعوە نەبووە. هەروەها ئاماژەی بەوەدابوو کە سەرەڕای تۆمارکردنی ناوی لە دەزگای شەهیدان، بەڵام ئەو شەهید نەبووە و لە ڕووداوێکی هاتوچۆدا گیانی لەدەستداوە.

کاردانەوەکان: ئەم لێدوانانە توڕەیی و ناڕەزایەتییەکی بەرفراوانی لای هۆزی سوودانی لێکەوتەوە، کە وای لێکردن ئەمڕۆ لەبەردەم ماڵی شابەندەر خۆپیشاندان بکەن. یەکێک لە بەشداربووانی خۆپیشاندانەکە بە میدیاکانی ڕاگەیاند: "ئێمە دەمانویست هەرا بنێنەوە، بەڵام بەداخەوە سەرۆکی هۆزەکەمان فەرمانی تەنیا خۆپیشاندانی پێداین بەبێ هیچ تووندوتیژییەک. بەڵام ئەگەر ئەم حاڵەتە دووبارە بێتەوە، دەزانین ئەو کاتە هەڵویستی تووندترمان دەبێت."