ترەمپ بودجەی ویلایەتە دیموکراتەکانی هەڵپەسارد

ئاڤا نیوز

لە دوای لەکارکەوتنی حکومەتی ئەمریکا بە هۆی پەسەند نەکردنی بودجەوە، ئیدارەی ئەمریکا بڕیاری دا بودجەی ویلایەتە دیموکراتەکان هەڵپەسێرێت.

چیرۆکی سەرەکی: ئیدارەی ترەمپ 18 ملیار دۆلار بودجەی نیویۆرکی هەڵپەسارد کە بە ماڵی سەرەکیی دیموکراتەکانی ئەمریکا ناودەبرێت. هەروەها 8 ملیار دۆلار بودجەی وزەی سەوزی لە 16 ویلایەتی دیکە ڕاگرت کە دیموکراتەکان حوکمیان دەکەن، لەوانەش کالیفۆرنیا و ئیلینۆیس.

زانیاریی زایاتر: هەر بە هۆی داخرانی حکومەتەوە زیاتر لە 750 هەزار کارمەندی فیدراڵی ناچارن بێ مووچە دەوام بکەن.

لەلایەکی دیکەوە: دیموکراتەکان ڕەخنەیان لەم بڕیارانەی ترەمپ گرتووە و بە تۆڵەسەندنەوەی سیاسی ناویان بردووە.