ئەو خواردنانە چین دەبنە هۆی دروستبوونی هەستیاری؟

ئاڤا نیوز

توشبوون بە هەستیاری واتە کاریگەربوونی جەستەی مرۆڤ بە ماددەیەک یان زیاتر دەشێت بەهۆی خۆراکێکەوە دروست ببێت، پسپۆڕێکی خۆراک ئەو خواردنانە دەخاتەڕوو کە دەبێتە هۆی دروستبوونی هەستیاری.

زانیاریی بەدەستهاتوو: ئیلێنا سالۆماتینا پسپۆڕی خۆراک دەڵێت، ئەو خواردنانەی کە زۆرترین ڕێژەی هەستیاری دروست دەکەن بریتین لە مۆز، شیر، هێلکە، سۆیا، گوێز، ماسی و خواردنە دەریاییەکان، بەهۆی ئەمەوە ئەگەر هەیە تووشبووەکە ڕووبەڕووی تێکچوونی کۆئەندامی هەرس ببێتەوە و تەنانەت تێکچوونی کۆئەندامی هەناسەدان و کاردانەوەکانی پێست و چەندین کاریگەری دیکە لەسەر جەستە دروست دەکات.

زانیاریی زیاتر: هەستیاری 'حەساسیەت' دەستبەجێ ڕوودەدات و نیشانەیەکی جدییە و زۆر بەخێراییش نیشانەکانی دەردەکەون، بریتین لە کۆکە، ئاوی لووت، سەختی هەناسەدان، پەڵەی پێست و نیشانەکانی دیکە.