ئەمریکا بۆ چەکداماڵینی حیزبوڵڵا پارە دەداتە حکومەتی لوبنان

ئاڤا نیوز

ئاژانسی ڕۆیتەرز بە پشتبەستن بە سەرچاوەکانی واشنتن و بەیرووت ڕایگەیاندووە، ئیدارەی ترەمپ لەم هەفتەیەدا پێدانی 230 ملیۆن دۆلاری بە هێزە ئەمنییەکانی لوبنان پەسەندکردووە وەک بەشێک لە هەوڵەکانی بۆ داماڵینی چەک لە حزبوڵڵای لوبنان.

زانیاریی بەدەستهاتوو: ئەو پارەیە 190 ملیۆن دۆلاری بۆ سوپای لوبنان و 40 ملیۆن دۆلاری بۆ هێزە ئەمنییەکانی ناوخۆ دەبێت.

ئەمەش بزانە: پێدانی ئەم پارەیە لە کاتێکدایە کە ئیدارەی ترەمپ زۆرێک لە بەرنامەکانی یارمەتیی دەرەکی کەمکردووەتەوە و سیاسەتی "ئەمریکا یەکەم"ی لە پێشینەدا داناوە. 

ڕەهەندی ستراتیژی: تەرخانکردنی ئەم بڕە پارەیە نیشانەی ئەوەیە کە ترەمپ بایەخێکی زۆر بە چارەسەرکردنی قەیرانی غەززە و ململانێی ڕۆژهەڵاتی ناوەڕاست دەدات.