پاپا ڕەخنە لە ترەمپ دەگرێت

ئاڤا نیوز

پاپ لیۆی چواردەیەم، پاپی ڤاتیکان و ڕێبەری کاتۆلیکەکانی جیهان، ڕەخنە لە دۆناڵد ترەمپ، سەرۆکی ئەمریکا دەگرێت.

چیرۆکی سەرەکی: پاپا لێدوانی دژی سیاسەتە تووندەکانی دۆناڵد ترەمپ سەبارەت بە کۆچبەران داوە و گوتوویەتی چۆن مرۆڤ دەتوانێت دژی لەباربردنی منداڵ بێت و پشتگیری لە "مامەڵەی نامرۆڤانە" لەگەڵ کۆچبەران لە ئەمریکا بکات؟.

کاردانەوە و لێکەوتەکان: ئەم لێدوانەی پاپا کاردانەوەی تووندی هەندێک لە پارێزکاران و تەنانەت ئیدارەی ترەمپیشی بەدوای خۆیدا هێنا. هەروەها هەندێک لە قەشە کاتۆلیکییە پارێزکارەکان داوایان کردووە پاپا لەو بابەتانەدا بێدەنگ بێت. 

لەلایەکی دیکەوە: ڤاتیکان ڕایگەیاندووە ئەو ڕەخنانە کار لە پاپا ناکەن و ئەو لەسەر شێوازی کاری خۆی بەردەوام دەبێت.