هۆشدارییەک لە هاتووچۆی هەولێر بۆ شۆفێران

ئاڤا نیوز

هاتووچۆی هەولێر هۆشدارییەک دەدات بە خاوەن جوانکارییەکانی ئۆتۆمبێل و ئەوان کڕین و فرۆشتن بەو بەرهەمانەوە دەکەن کە دەبێتە هۆی شاردنەوەی تابلۆی ئۆتۆمبێل.

چیرۆکی سەرەکی: ئێستا لە بەشێک لە تۆڕە کۆمەڵایەتییەکان ڕیکلام بۆ فرۆشتنی چەند بەرهەمێک دەکرێت کە بەشێوەی ئەلیکترۆنی کار دەکات و شۆفێران بۆ شاردەنەوەی تابلۆی ئۆتۆمبێلەکانیان بەکاری دەهێنن ئەمەش پێچەوانەی یاسایە.

لێدوانی فەرمی: عەقید هێمن حمەدەمین، وتەبێژی هاتووچۆی هەولێر، بە ئاڤا میدیای ڕاگەیاند: هۆشداریی دەدەین بە شۆفێران هەر کەسێک ئەم کەرستەیە بەکاربهێنێت دەست بەسەر ئۆتۆمبێلەکەیدا دەگیرێت، هاوکات لێپرسینەوەی یاسایشیان لەگەڵ دەکرێت. 

هەر جوانکارییەکیش مامەڵە و کڕین و فرۆشتن بەو بەرهەمانەوە بکات ڕووبەڕووی ڕێکاری یاسایی دەکەینەوە و شوێنەکەشی دادەخرێت. 

ئەوەی پێویستە بیزانیت: بەشێک لە شۆفێران تابلۆکانیان دەشارنەوە بە کەرەستەی جۆراوجۆر بۆ ئەوەی لە کامێراکانی تیژڕەوی پارێزراوبن.