ئاری هەرسین: بەبێ پارتی ئەستەمە هەڵبژاردن بکرێت

ئاڤا نیوز

بەرپرسی لقی چواری پارتی دیموکراتی کوردستان لە سلێمانی دووپاتی کردووەتەوە کە ناڕەزایەتییان بەرامبەر پرۆسەی هەڵبژاردن هەیە و بەبێ بەشداریکردنی پارتیش ئەستەمە هەڵبژاردن بکرێت.

 

وێنە گەورەکە: پارتی تێبینی لەسەر شێوازی بەڕێوەچوونی هەڵبژاردن هەیە لیستی بەربژێرانی پێشکەشی کۆمیسیۆن نەکرد، بە واتای ئەوەی بەشداری پڕۆسەکە ناکەن، بەمەش دەرگا بەڕووی ئەگەری دواخستنی پڕۆسەکە واڵابووە.

 

لێدوانی فەرمی: "ئەگەر ئێمە بەشداریی هەڵبژاردن نەکەین، ئەوا ئەستەمە هەڵبژاردن لە هەرێمی کوردستان بکرێت."؛ ئاری هەرسین، بەرپرسی لقی چواری پارتی لە سلێمانی وای بە ئاڤا نیوز گوت.

 

باکگراوند: ڕێککەوتی 01-04-2024 گوتەبێژی پارتی ڕاگەیێنراوێکی بڵاوکردەوە و دووپاتی کردەوە کە ئەگەر هەڵبژاردن بۆ كاتێكی دیکەش دوابخرێت نابێت بەو شێوازەی ئێستا بێت.