هەسەدە داوای دامەزراندنی ناوچەیەکی حکومی زاتی بۆ ڕۆژئاوای کوردستان دەکات

ئاڤا نیوز

مەزڵووم عەبدی، فەرماندەی هێزەکانی سووریای دیموکرات (هەسەدە)، لەمیانی کۆبوونەوەکەی لەگەڵ ئەحمەد شەرع، ئاستی داواکارییەکانی کوردی بەرزکردەوە و داوای دامەزراندنی ناوچەیەکی خۆبەڕێوەبەری لە سووریا دەکات.

 

چیرۆکی سەرەکی: دوای شەڕ و پێکدادانەکەی شەوی ڕابردووی نێوان هەسەدە و سوپای سووریا لە حەلەب، ئەمڕۆ سێشەممە شاندێکی ئیدارەی خۆسەر بەسەرۆکایەتیی مەزڵووم عەبدی بەمەبەستی ئەنجامدانی کۆبوونەوەیەک لەگەڵ ئەحمەد شەرع، سەرۆکی سووریا گەیشتە دیمەشق.

 

بڵاوکراوەی فەرمی: بەگوێرەی ماڵپەڕی "سکای نیوز"ی عەرەبی، مەزڵووم عەبدی، فەرماندەی هێزەکانی سووریای دیموکرات (هەسەدە)، لەمیانی کۆبوونەوەکەی لەگەڵ ئەحمەد شەرع، سەرۆکی سووریا، داوای دامەزراندنی ناوچەیەکی حکومی زاتی کردووە هاوشێوەی هەرێمی کوردستان.

 

لەهەمان کاتدا: عەبدی دووپاتی کردەوە کە ناڕازییە لەوەی هێزەکانی هەسەدە بە تەواوی تێکەڵ بە سوپای سووریا بکرێن، بەڵام ڕەنگە وەک بەشێک لە سوپا بمێننەوە، بێ ئەوەی بە تەواوی تێکەڵ بکرێن.

 

لەلایەکی دیکەوە: هەر ئەمڕۆ مەزڵووم عەبدی، فەرماندەی "هەسەدە" و مورهەف ئەبو قەسرە، وەزیری بەرگریی سووریا کۆبوونەوە، دوای کۆبوونەوەکە ئەبو قەسرە ڕایگەیاند، لەگەڵ فەرماندەی "هەسەدە" ڕێککەوتوون لەسەر دەستبەجێی ئاگربەست لە باکوور و ڕۆژهەڵاتی سووریا، ئەوەش دوای پێکدادانەکانی ئەم چەند ڕۆژەی ڕابردووی پارێزگای حەلەب.