ئیسپانیا گەمارۆی چەک دەخاتە سەر ئیسرائیل

ئاڤا نیوز

پەرلەمانی ئیسپانیا بە زۆرینەی دەنگی ئەندامانی پڕۆژەیاسای گەمارۆی چەکی لەسەر ئیسرائیل پەسەند کرد.

چیرۆکی سەرەکی: پەرلەمانی ئیسپانیا بە 178 دەنگی بەڵێ لە بەرامبەر 169 دەنگی نەخێر پشتگیری پڕۆژەی گەمارۆی چەکی لەسەر ئیسرائیل کرد. بەم پێیە گەمارۆی ڕێگەنەدان بە فرۆشتنی چەک و بەرهەمی تەکنۆلۆژی بە ئیسرائیل و هاوردەکردنی ئەو کاڵایەنە لە ئیسرائیلەوە، کە پێشتر حکومەت جێبەجێی دەکرد، دەبێتە یاسا و حکومەتەکان پێیەوە پابەند دەبن.

زانیاریی زیاتر: پڕۆژەکە مانگی ڕابردوو لەلایەن پێدرۆ سانچێز، سەرۆکی حکومەتەوە پێشکەش کرابوو و بە ئامانجی کۆتاییهێنان بە "جینۆساید لە غەززە".

ئەوەی پێویستە بیزانیت: سەرەتا بڕیاربوو ڕۆژی 7-10-2025 دەنگدانەکە ئەنجام بدرێت، بەڵام میدیاکانی ئیسپانیا ڕایانگەیاند دەنگدانەکە ڕۆژێک دواخراوە بۆ ئەوەی هاوکات نەبێت لەگەڵ یادی دوو ساڵەی هێرشەکەی حەماس لە 7-10-2023.

باکگراوند: حکومەتی ئیسپانیا ڕەخنەگرێکی دیاری هێرشەکانی ئیسرائیل بۆ سەر غەززەیە و ئۆپەراسیۆنەکانی سوپای ئیسرائیلی لەو کەرتە بە جینۆساید ناساندووە. هەروەها دانی بە سەربەخۆیی فەڵەستیندا ناوە.