هاتووچۆی عێراق: بەم زووانە مۆڵەتی شۆفێری و تۆمارکردنی ئۆتۆمبێل لە ڕێگەی مۆبایلەوە دەردەکرێت

ئاڤا نیوز

بەڕێوەبەرایەتیی گشتیی هاتووچۆی گشتی عێراق ئاشکرای کرد، بەم زووانە سیستەمێکی دیجیتاڵی تەواو بۆ دەرکردنی مۆڵەتی شۆفێری و تۆمارکردنی ئۆتۆمبێل لە ڕێگەی مۆبایلەوە ڕادەگەیەنرێت.

وێنە گەورەکە: دەرکردنی و تازەکردنەوەی مۆڵەتی شۆفێری و تۆمارکردن و تازەکردنەوەی ساڵیانەی ئۆتۆمبێل لە بەڕێوەبەرایەتییەکانی هاتووچۆ لەپارێزگاکانی عێراق گەورەترین گرفتی بۆ هاووڵاتییان درووست کردووە، بەجۆرێک هیچ یەکە لەم مامەڵانە بەکەمتر لەهەفتەیەک تەواو نابێت. 

لێدوانی فەرمی: عەمید نەسر عەبدولستار، بەڕێوەبەری ڕاگەیاندن و پەیوەندییەکانی هاتووچۆی گشتیی عێراق، ڕایگەیاند: بۆ کەمکردنەوەی کێشە و قەرەباڵغی و کەمکردنەوەی سەردانی هاووڵاتیان بۆ شوێنەکانی تۆمارکردن، بەڕێوەبەرایەتیی گشتیی هاتووچۆی گشتیی عێراق بەم زووانە سیستەمێکی دیجیتاڵی تەواو بۆ دەرکردنی مۆڵەتی شۆفێری و تۆمارکردنی ئۆتۆمبێل لە ڕێگەی مۆبایلەوە ڕادەگەیەنێت.

زانیاریی زیاتر: عەبدولستار ڕوونیشی کردەوە، وەرگرتنی رسومات بە شێوەی ئەلیکترۆنی لە ڕێگەی ماستەرکاردەوە دەبێت، بەڵام ڕێکارەکانی پشکنینی پزیشکی لە چوارچێوەی دەسەڵاتەکانی وەزارەتی تەندروستیدا دەمێنێتەوە.