ئێران: ئەگەری هەیە ئیسرائیل ڕەئیسیی تیرۆر کردبێت

ئاڤا نیوز

گومانەکان لەسەر چۆنیەتیی مردنی ئیبراهیم ڕەئیسی، سەرۆک کۆماری پێشووی ئێران بەهێزتر دەبن.

لێدوانی فەرمی: عەلی شەمخانی، ئەندامی ئەنجوومەنی باڵای ئاسایشی نیشتیمانیی ئێران، لە چاوپێکەوتنێکی میدیاییدا ڕایگەیاند بە گوێرەی لێکۆڵینەوەی تیمە تەکنیکییەکان، هیچ بەڵگەیەک نییە کە دەرخەری ئەوە بێت کە ئیبراهیم ڕەئیسی، سەرۆک کۆماری پێشووی ئێران، بە هۆی دەستتێوەردانی دەرەکییەوە تیرۆر کرابێت، بەڵام ئەگەری ئەوەش هەیە کە ڕووداوەکە بە جۆرێک بووبێت کە لە سەروو توانای تەکنیکیی ئێمەوە بێت و ئێمە پێمان نەزانی بێت.

زانیاریی زیاتر: شەمخانی گوتی لە کاتی ڕووداوەکەش گریمانەی ئەوە هەبوو کە ئەمە کاری ئیسرائیل بووبێت، بەڵام تیمەکان هیچ نیشانەیەکیان دەست نەکەوت؛ هاوکات، دوای شەڕی 12 ڕۆژەی نێوان ئێران و ئیسرائیل ئەم گریمانەیە بەهێزتر بوو. 

ئەمەش بزانە: لە شەڕی 12 ڕۆژەدا ئیسرائیل دەیان سەرکردەی باڵای سەربازیی ئێرانی بە پشتبەستن بە زانیاریی هەواڵگریی زۆر ورد و بەکاربردنی تەکنۆلۆژیا سەربازیی پێشکەوتوو تیرۆر کردن.

باکگراوند: ئیبراهیم ڕەئیسی 19-5-2025 لە ڕووداوی کەوتنەخوارەوەی هێلیکۆپتەرەکەی لەگەڵ وەزیری دەرەوە و ژمارەیەک بەرپرسی دیکەی ئێران گیانیان لەدەست دا.