ئەنجوومەنی وەزیرانی عێراق بەسەرپەرشتی سوودانی لە کۆبوونەوەدایە

ئاڤا نیوز

کۆبوونەوەی ئەنجوومەنی وەزیرانی عێراق دەستیپێکرد و چاوەڕوان دەکرێت سوودانی بڕیار لە ناردنی مووچەی مانگی هەشت بدات. 

چیرۆکی سەرەکی: دوانیوەڕۆی ئەمڕۆ سێشەممە کۆبوونەوەی ئەنجوومەنی وەزیرانی عێراق بە سەرپەرشتی محەممەد شیاع سوودانی دەستیپێکرد. 

ئەوەی پێویستە بیزانیت: هەفتەی ڕابردوو محەممەد شیاع سوودانی لە پەراوێزی کۆبوونەوەی ئەنجوومەنی وەزیرانی عێراق چاوی کەوت بە وەزیرە کوردەکان و بەشێوەی زارەکی بەڵێنی خەرجکردنی مووچەی مانگی هەشتی پێدان، ئەمە لە کاتێکدایە پرسی ناردنی مووچەی فەرمانبەرانی هەرێمی کوردستان لە کارنامەی کۆبوونەوەی سبەیدا نییە بەڵام ئەو بابەتە گرفت نییە و هاوشێوەی جارەکانی ڕابردووە. 

زانیاریی زیاتر: ئێستا کۆبوونەوەی ئەنجوومەنی وەزیرانی عێراق بەردەوام و تاوەکو ئێستا ناوەڕۆکی ئاشکرا نەکراوە.