سەرۆک بارزانی و باڵیۆزی فەرەنسا لە عێراق تاوتوێی جێبەجێنەکردنی ماددەی 140ـی دەستوور دەکەن

ئاڤا نیوز

سەرۆک بارزانی لە کۆبوونەوەی لەگەڵ باڵیۆزی فەرەنسا لە عێراق باسی لە جێبەجێنەکردنی ماددەی 140ـی دەستوور و ئەو بەڵێنانە کرد کە لەلایەن بەغداوە بە هەرێمی کوردستان دراوە.

چیرۆکی سەرەکی: ئەمڕۆ سێشەممە 14-10-2025، لە پیرمام، سەرۆک مەسعود بارزانی پێشوازی لە پاتریک دورێل، باڵیۆزی فەرەنسا لە عێراق كرد کە یان برێم، كونسوڵی گشتیی فەرەنسا لە هەولێر ،ئامادەی بوو.

ڕاگەیێنراوی فەرمی: لە دیدارەکەدا، سەرۆک بارزانی سوپاسی گەل و حکومەتی فەرەنسا و شارەوانی و سەرۆکی شارەوانیی پاریسی کرد لە پێناو ئەو بڕیارە مێژوویەی کە بۆ کردنەوەی ڕێڕەوی پێشمەرگە لەناو جەرگەی پاریس دایان و ئەوەی بە سیمبوڵێک بۆ تێکۆشان و قوربانیدانی پێشمەرگە لە پێناو ئازادیدا وەسفکرد.

سەرۆک بارزانی باسی لەوە کرد، "سەرەڕای سەرنجی زۆرمان لەسەر یاسای هەڵبژاردنەکانی عێراق کە کەموکوڕی زۆری تێدایە، بەڵام بەشداری هەڵبژاردن دەکەین، گرنگە دوای هەڵبژاردن هەموو ئەو لایەنە سیاسییانەی دەیانەوێت شەفافیەت لە هەڵبژاردندا هەبێت، پێکەوە کار لەسەر دەرکردنی یاسایەک بکەین بۆ هەڵبژاردنەکان کە یەکسانی و دادپەروەری تێدابێت، چونکە ئەم یاسایەی ئێستا کاری پێدەکرێت یاسای ساڵی 2010ـیە و ئەوکات بەڵێنمان پێدرا کە ماددەی 140ـی دەستوور جێبەجێ بکرێت و یاساکەش بۆ تەنها یەک خولی هەڵبژاردن کاری پێ بکرێت، بەڵام ئەم یاسایە تا ئێستا بەردەوامە و بەڵێنەکانیش جێبەجێنەکران.

 لەلایەکی دیکەوە: باڵیۆزی فەرەنسا سوپاسی سەرۆک بارزانی کرد بۆ بەشداربوونیان لە ڕێوڕەسمی کردنەوەی ڕێڕەوی پێشمەرگە لە پاریس و ئەمەی بە هەنگاوێکی ئەرێنی ناوبرد لەپێناو قووڵترکردنەوەی پەیوەندییەکانی نێوان گەل و حکومەتی فەرەنسا و هەرێمی کوردستان.

ئاماژەوە بەوەش کرد، کردنەوەی ڕێڕەوی پێشمەرگەی لە پاریس بە هێمای ڕێز و پێزانینی گەلی فەرەنسا وەسفکرد بۆ قوربانیدان و ڕۆڵی بەرچاوی هێزی پێشمەرگەی کوردستان لە ڕووبەڕووبوونەوە و تێکشکاندنی داعش و گرووپە تیرۆرستییەکان و پاراستنی ئەمن و ئاسایشی ناوچەکە. هەروەها پشتیوانی وڵاتەکەی بۆ هێزی پێشمەرگە و هەرێمی کوردستان دووپات کردەوە.

گۆشەیەکی دیکەی دیمەنەکە: لە دیدارەکەدا، پێشهات و گۆڕانکارییەکان و بارودۆخی سیاسیی ناوچەکە بە گشتیی و دۆخی سووریا و هەنگاوەکانی پرۆسەی ئاشتیی لە تورکیا تاوتوێ کران.