هەڵبژاردەی عێراق دەرفەتێکی مێژوویی لەدەستدا بۆ گەیشتن بە مۆندیالی ساڵی 2026

ئاڤا نیوز

ئەمشەو هەڵبژاردەی تۆپی پێی عێراق لەگەڵ هەڵبژاردەی سعودیە یارییەکی چارەنووسازی هەبوو، یارییەکە بەبێ گۆڵ کۆتاییهات بەو ئەنجامەش هەڵبژاردەی سعودیە گەیشتە مۆندیالی 2026.

ئەوەی پێویستە بیزانیت: عێراق دەبووایە براوەی یارییەکە بووایە ئینجا دەگەیشتە مۆندیال، ئەمەش لەکاتێکدایە عێراق 40 ساڵە نەیتوانیوە بگاتە مۆندیال.

هەنگاوی داهاتوو؛ ئێستا عێراق تەنها یەک دەرفەتی لەبەردەم ماوە، ئەویش زۆزر قورسە و سەرکەوتنیەتی لە یاری پاشکۆی پاڵاوتنەکانی مۆندیال، یارییەکەش مانگی 11 بەرامبەر وڵاتی ئیمارات دەکات، دوو یاری دەکەن چوون و هاتن، ئەگەر سەرکەوت، ئەوکات دەچێتە پاشکۆی کیشوەرەکان، دەبێت لەو قۆناغەش سەرکەوێت.