بەهۆی کێشە فڕۆکەی وەزیری جەنگی ئەمریکا بە ناچاری لە بەریتانیا دەنیشێتەوە

ئاڤا نیوز

فڕۆکەی پیت هیگسێز، وەزیری جەنگی ئەمریکا بەهۆی کێشەیەک لە فڕۆکەکەی بە ناچاری لە بەریتانیا دەنیشێتەوە.

چیرۆکی سەرەکی: پیت هیگسێز، وەزیری جەنگی ئەمریکا دوای بەشداری لە کۆبوونەوەی وەزیرانی بەرگری لە ناتۆ بە فڕۆکە بۆ ئەمریکا دەگەڕێتەوە، بەڵام لە ناوکاو دەڵێن دەبێت لە بەریتانیا بە ناچاری بنیشێتەوە بەهۆی کێشەیەک لە فڕۆکەکە.

لێدوانی فەرمی: شۆن پارنێل، وتەبێژی پێنتاگۆن ڕایگەیاند: نیشتنەوەی ناچاری فڕۆکەی وەزیری جەنگ لە بەریتانیا بەهۆی دروستبوونی درزێک بووە کە لە جامی فڕۆکەکە دروستبووە و مەترسی لە سەر فڕۆکەکە دروستکردووە، بەپێی وتەی پارنێل، فڕۆکەکە بە پشتبەستن بە ڕێکارە ستانداردەکان نیشتووەتەوە و هەموو ئەوانەی لەناو فڕۆکەکەدا بوون، بە هێگسێتیشەوە سەلامەتن.

لەلایەکی دیکەوە: پیت هیگسێز، وەزیری جەنگ لە تۆڕی کۆمەڵایەتی ئێکس نوسیویەتی "سوپاس بۆ خوا، بەردەوام دەبم لە ئەرک"

ئەمەش بزانە: فڕۆکەکە دوای بەرزی 10 هەزار پێ بە شێوەیەکی ستاندار نیشتووەتەوە، تا ئێستا هۆکاری دروستبوونی ئەو درزەی کە لە جامی فڕۆکەکە دروستبووە ڕوون نەکراوەتەوە و لێکۆڵینەوە بەردەوامە.