نیوزلەندا سزاکانی بەسەر ئێراندا دەسەپێنێتەوە

ئاڤا نیوز

بەهۆی پابەندنەبوونی ئێران بە ڕێککەوتنی ئەتۆمییەوە نیوزلەندا سزاکانی بۆ سەر ئەو وڵاتە دەگەڕێنێتەوە.

لێدوانی فەرمی: وینستن پیتەرز، وەزیری دەرەوەی نیوزلەندا، ڕایگەیاند که وڵاتەکەی سزاکانی نەتەوەیەکگرتووەکان بەسەر ئێراندا دەسەپێنێتەوە کە بەهۆی پابەندنەبوونی ئێران بە ڕێککەوتنی ئەتۆمییەوە دووبارە بۆ سەر ئێرانی گەڕاندوونەتەوە. 

زانیاریی زیاتر: نیوزلەندا لە 18-10-2025ـەوە دەست دەکات بە سەپاندنەوەی سزاکان لە چوارچێوی سزا نێودەوڵەتییەکانی سەر ئێران.

ئەوەی پێویستە بیزانیت: سزاکان بریتی دەبن لە بلۆککردنی سەروەت و سامان و قەدەغەکردنی چوونە ژوورەوە بۆ کەسانی سزادراو و قەدەغەکردنی هاوردە و هەناردەکردنی هەندێک کەلوپەلی ئەتۆمی و سەربازی. هەروەها نیوزلەندا داوای لە هاووڵاتیانی وڵاتەکەی کردووە کە لە کاتی مامەڵەکردن لەگەڵ ئێران وریابن.

ئەمەش بزانە: پێشتریش هەریەکە لە بەریتانیا، فەرەنسا و ئەڵمانیا هەنگاوی هاوشێوەیان ناوە.