ئێران کارکردنی لە وێستگە ئەتۆمییەکان دەستپێکردووەتەوە

ئاڤا نیوز

 

بەگوێرەی چەند وێنەیەکی مانگە دەستکردەکان دەردەکەوێت کە ئێران کارکردنی لە چەند وێستگەیەکی ئەتۆمیی وڵاتەکەی دەستپێکردووەتەوە.

 

چیرۆکی سەرەکی: وێنەکانی مانگە دەستکردەکان لە نێوان کۆتایی مانگی ئەیلوول و سەرەتای مانگی ئۆکتۆبەری ئەمساڵدا گیراون و ئەوە نیشان دەدەن کە ئێران دەستی کردووە بە خاوێنکردنەوەی دوو تۆنێلی دەروازەی چوونە ژوورەوە بۆ ناو وێستگەیەکی ئەتۆمیی لە ئەسفەهان. 

 

زانیاریی زیاتر: وێنەکان هەروەها ژمارەیەک ئامێر و ئۆتۆمۆبێلی گەورە نیشان دەدەن کە لە شوێنەکە کار دەکەن.

 

باکگراوەند: لە شەڕی 12 ڕۆژەی نێوان ئێران و ئیسرائیل، ئەمریکا هێرشێکی مووشەکی کردە سەر وێستگە ئەتۆمییەکانی ئێران و ڕایگەیاند توانیویەتی وێستگەکان لە ناو ببات.