چیرۆکی گەنجێکی کورد لە فینلەندا کە ڕاهێنەری لەشجوانییە: سوپرازیم هەیە

ئاڤا نیوز

 

ڕێژەن، گەنجێکی خەڵکی سلێمانییە و خولیای وەرزشکاریی لە منداڵییەوە لەگەڵیدا بووە. ماوەی 10 ساڵە بە جۆش و خرۆشەوە سەرقاڵی یاری لەشجوانییە و لەم ماوەیەدا توانیویەتی سەرکەوتنی گەورە بەدەستبهێنێت.

چیرۆکی سەرەکی؛ ڕێژەن خاوەنی چەندین نازناوی ناوخۆیی و عێراق و ئاسیایە و لە وڵاتی فینلاندیش بەشداریی لە پاڵەوانێتییەکی گرنگدا کردووە و نازناوی پاڵەوانیەتییەکەی بەدەست هێناوە. ئەو لە ساڵی 2015 ەوە بەشداری چالاکانەی لە پاڵەوانێتییەکاندا هەبووە و هەمیشە ئامانجی بووە باشترین ئاست پێشکەش بکات.

ئێستا ڕێژەن لە فینلاند وەک ڕاهێنەری لەشجوانی کار دەکات و پلانی گەورەتری هەیە. ئامانجی داهاتووی بەدەستهێنانی نازناوێکی جیهانییە بۆ کوردستان کە تا ئێستا هیچ کوردێک نەیانتوانیوە بەدەستی بهێنێت. ئەو بە پەرۆشەوە دەڵێت "سوپرایزی گەورەی هەیە و دەیەوێت ناوی کوردستان بباتە لووتکە".