لە دوای 16ـی ئۆکتۆبەرەوە پارتی بارەگایەکی دیکە لە سنووری مەخموور دەکاتەوە

ئاڤا نیوز

 

وابڕیارە ئەمڕۆ یەکشەممە 19-10-2025, بۆ یەکەمجار لەدوای 16ـی ئۆکتۆبەرەوە بارەگای پارتی دیموکراتی کوردستان لە ناحیەی قەراجی سەر بە قەزای مەخموور بکرێتەوە.

 

چیرۆکی سەرەکی: لە دوای ڕووداوەکانی 16ی ئۆکتۆبەری ساڵی 2017 سەرجەم بارەگاکانی پارتی دیموکراتی کوردستان لە بەشێکی زۆری ناوچە کوردستانییەکانی دەرەوەی ئیدارەی هەرێمی کوردستان دەستیان بەسەرداگیرا، هەرچەند هێشتا بارەگاکانی پارتی ڕادەستی نەکراونەتەوە، بەڵام ئەم حیزبە ڕێکخستنەکانی بردووەتەوە ئەو ناوچانە و بارەگای نوێی کردووەتەوە.

 

لێدوانی فەرمی: سەنگەر کانەبی، بەرپرسی لقی 23ـی قەرەچوغی پارتی دیموکراتی کوردستان، بە ئاڤا میدیای گوت: لە دوای 16ـی ئەمڕۆ بۆ یەکەمجار بارەگای پارتی لە سنووری قەراج دەکەینەوە، هەرچەندە ئێمە لە خەڵکی سنوورەکە دانەبڕابووین بەڵام دەمانەوێت ئەمڕۆ جارێکی دیکە ئاڵای کوردستان لە قەراج بەرز بکەینەوە.

 

بەرپرسی لقی 23ـی قەرەچوغی پارتی، ئەمانەشی گوت: 

-  لە ئامادەکاری بۆ هەڵبژاردنی پەرلەمانی عێراق بەردەوامین و خەڵکی ئەم سنوورە ئومێدی گەورەی بە پارتی هەیە و لەم زۆرینەی خەڵکی ئەم سنوورە دەنگ و متمانەیان بە پارتی دووپات دەکەنەوە.

- لەبەر ئەوەی دەنگدەرانی سنوورەکەمان بەسەر هەردوو بازنەی هەولێر و نەینەوا دابەش بووە بۆیە لە بازنەی هەولێر یەک بەربژێر و بازنەی مەخموور چوار بەربژێرمان هەیە.

-  پێکهاتەی خەڵکی سنوورکەمان لە پێکهاتەی کورد و عەرەبن بۆیە لە کۆی چوار بەربژێری بازنەی نەینەوا سێ بەربژێرمان لە پێکهاتەی عەرەبن.

- لە کابینەی نۆیەم خزمەتی زۆری جووتیارانی سنوورەکەمان کراوە و کار لەسەر جێبەجێ کردنی داوکاری و خواستی سنوورەکە کراوە.