نۆ بەنداو و 23 پۆند؛ توانای گلدانەوەی 252 ملیۆن و 800 هەزار مەترسێجا ئاویان هەیە

ئاڤا نیوز

لە ماوەی تەمەنی کابینەی نۆیەمی حکومەتی هەرێمی کوردستان بە بەهای سەدان ملیار دینار، نۆ بەنداو و 23 پۆند دروست کراون.

 

وێنە گەورەکە: لە چوارچێوەی گرنگیدان بە ژێرخانی ئاو و مسۆگەرکردنی ئاسایشی ئاو لە هەرێمی کوردستان لە کابینەی نۆیەمدا ژمارەیەک پۆند و بەنداو دروست کراون، ژمارەیەکی دیکەش لە قۆناغی جێبەجێ کردنن.

 

ژمارەکان وادەڵێن: لە ماوەی شەش ساڵی ڕابردوو بە گوژمەی 265 ملیار و 700 ملیۆن دینار، نۆ بەنداو دروست کراون کە توانای گلدانەوەی 252 ملیۆن و 800 هەزار مەترسیجا ئاویان هەیە، هەشت بەنداو کارەکانیان تەواو کراوە، کارکردنیش لە بەنداوی (دووین) بەردەوامە:

بەنداوی دوین: 100 ملیۆن مەترسێجا ئاو.
بەنداوی گۆمەسپان: 97 ملیۆن مەترسێجا ئاو.
بەنداوی دێوانە: 21 ملیۆن مەترسێجا ئاو.
بەنداوی بەستۆڕە: 20 ملیۆن مەترسێجا ئاو.
بەنداوی خنس: حەوت ملیۆن مەترسێجا ئاو.
بەنداوی ئاقوبان: دوو ملیۆن و 600 هەزار مەترسێجا ئاو.
بەنداوی تووڕەجار: دوو ملیۆن مەترسێجا ئاو.
بەنداوی شەوگێڕ: دوو ملیۆن مەترسێجا ئاو.
بەنداوی چەمرگە: یەک ملیۆن و 200 هەزار مەترسێجا ئاو.

 

بە تەنیشت ئەم بابەتەوە: هەر لە کابینەی نۆیەم 23 پۆند دروست کراون، 58 پۆندیش لە قۆناغی جێبەجێ کردنن.

 

بۆچی گرنگە: گلدانەوەی ئاو لەو پۆند و بەنداوانە سوودی زۆریان لێوەردەگیرێت لەوانە: زیادکردنی بەروبومی کشتوکاڵی، بەخێوکردنی ماسی، گەشتیاری، دابینکردنی ئاوی خواردنەوە، کەم کردنەوەی مەترسیی لافاو لە هەمان کاتیش کاریگەری ڕاستەوخۆیان دەبێت بۆ بووژانەوەی ئاوی ژێرزەوی و کەم کردنەوەی زیانەکانی وشکەساڵی و گۆڕانی کەشوهەوا.