لە کەرکووک 32 تۆمەتبار دەستگیر دەکرێن

ئاڤا نیوز

لە هەڵمەتێکدا پۆلیسی کەرکووک 32 تۆمەتبار دەستگیر دەکات کە لەماوەی ڕابردوودا فەرمانی دەستگیرکردنیان لەلایەن دادگاوە بۆ دەرچووبوو.

چیرۆکی سەرەکی: لەپێناو جێبەجێكردنی یاسا پۆلیسی کەرکووک هەڵمەتێکی فراوانی بۆ دەستگیرکردنی تۆمەتباران لە پارێزگای کەرکووک و دەوروبەری دەستپێکردووە، لە ماوەی 24 کاتژمێری ڕابردوودا زیاتر لە 30 تۆماتباریان دەستگیرکردووە.

ڕاگەیێنراوی فەرمی: بەڕێوەبەرایەتیی پۆلیسی کەرکووک، ڕایگەیاند، لە هەڵمەتەکەدا 32 کەسی داواکراو بەپێی فەرمانی دادوەر دەستگیرکراون،  هاوکات پۆلیس دوو دز و دوو کەسی سەرخۆشی دەستگیرکرد و دەستیان بەسەر دوو ئۆتۆمبێلدا گرت بە هەماهەنگی لەگەڵ تیمەکانی پۆلیسی هاتووچۆ.

ئەمەش بزانە: جگە لەو تۆمەتبارانە لە ئەنجامی شەڕ لە نێوان دوو بنەماڵە 12 کەس دەستگیر کراون، ئەم ڕێوشوێنە ئەمنییانە بە ئامانجی دابینکردنی ئاسایش و سەقامگیرییە بۆ هەموو بەشەکانی پارێزگای کەرکووک.