کۆماری کوردستان 78 ساڵ لەمەوبەر دامەزرا؛ تەمەنێکی کورت بەڵام پڕشکۆ

لە 22 ی كانوونی دووەمی 1946، لە گۆڕەپانی چوارچرا لە شاری مهاباد لە ڕۆژهەڵاتی كوردستان، بەگوتنەوەی سروودی ئەی ڕەقیب، كۆماری كوردستان ڕاگەیێندرا.

قازی محەمەد وەك یەكەمین سەرۆككۆماری كوردستان ناسێندرا، لەكاتی سوێندخواردنیدا قازی محەمەد وەك سەرۆككۆمار گوتی " سوێند دەخۆم تێدەكۆشم تاوەكو ئاڵاكەمان لە ئاسماندا بشەكێتەوە، مەلا مستەفا بارزانی لەگەڵ قازی محەمەد ڕۆڵی هەبوو لە دامەزراندنی كۆماری كوردستان.

زمانی كوردیی كرایە زمانی فەرمیی لە دامودەزگاكانی كۆماری كوردستان، دوای 11 مانگ لە تەمەنی، بەهۆكاری ناوخۆیی و دەرەكیی كۆماری كوردستان ڕووخێندرا.

قازی محەمەد و هاوڕێكانی لە گۆڕەپانی چوارچرا لە سێدارە دران