وەزارەتی دەرەوەی عێراق لێکۆڵینەوە لە دزەپێکردنی بەڵگەنامە فەرمییەکانی دەکات

ئاڤا نیوز

وەزارەتی دەرەوەی عێراق ئاشکرای کرد، دەستی بە لێکۆڵینەوەی پێویست کردووە سەبارەت بە دزەپێکردنی بەڵگەنامە فەرمییەکان لە نوێنەرایەتییەکانی دیپلۆماسییەوە، ئەمەش بە ئاماژەدان بە "ڕووداوی دزین" لەلایەن یەکێکە لە ئەندامی شاندی دیپلۆماسیی عێراق لە ئوردن.

چیرۆکی سەرەکی: لە ماوەی ڕابردوودا، بەڵگەنامەیەکی فەرمیی وەزارەتی دەرەوەی عێراق بڵاوبووەوە کە ئاماژە بەوە دەکات یەکێک لە خانمە ئەندامانی باڵیۆزخانەی عێراق لە ئوردن بە ناوی "زەینەب ساعدی" لە کاتی مانەوەی لە یەکێک لە هۆتێلەکانی شاری عوممان چەندین کەلوپەلی ژوورەکەی بردووە.

ڕاگەیێنراوی فەرمی: وەزارەتی دەرەوەی عێراق ڕاگەیاند، "بەداخەوەین لە بڵاوبوونەوەی بەڵگەنامە ناوخۆییەکان و دزەپێکردنی نامە فەرمییەکان کە لەلایەن نوێنەرایەتییەکی عێراقییەوە لە دەرەوەی وڵات دەرچووە، دەستمانکردووە بە گرتنەبەری ڕێوشوێنی پێویست بۆ لێکۆڵینەوە لە بارودۆخی ئەم دزەپێکردنە و لێپرسینەوە لەگەڵ بەرپرسان، ئەگەر هەبن".

لە ڕاگەیێنراوەکە ئاماژە بەوەشکراوە، "هەر کات ئەنجامی لێکۆڵینەوە لە دۆسیەی ئەو فەرمانبەرە تەواو بوو ڕادەگەیێنرێت و ڕێوشوێنی یاسایی گونجاو بە پشتبەستن بە ئەنجامەکانی لیژنەی لێکۆڵینەوە دەگیرێتەبەر".