فینلەندا داخرانی سنوورەکانی لەگەڵ ڕووسیا درێژ دەکاتەوە

ئاڤا نیوز

فینلەندا سنوورەکانی بە ڕووی ڕووسیادا بە داخراویی دەهێڵێتەوە. ئەمەش بۆ ڕووبەڕووبوونەوەی ئەگەری شەپۆلی کۆچبەران بۆ ئەو وڵاتە. 

وێنە گەورەکە: فینلەندا 1340 کیلۆمەتر سنووری هاوبەشی لەگەڵ ڕووسیا هەیە. لە ناوەڕاستی مانگی 12 ی ڕابردووەوە، دوای ئەوەی نزیکەی هەزار کۆچبەر بە بێ ڤیزا و بە نایاسایی ڕوویان لەو وڵاتە کرد، سنوورەکانی داخست. دوایەمین جار فینلەندا داخرانی سنوورەکانی تا 14ـی نیسان درێژکردەوە، ئێستا ڕایگەیاندووە تا کاتێکی نادیار سنوورەکان بە داخراویی دەهێڵێتەوە.  

زانیاریی زیاتر: دوای هێرشی ڕووسیا بۆ سەر ئۆکراینا، فینلەندا بووە ئەندامی ناتۆ و ئەمەش نیگەرانیی ڕووسیای بە دوای خۆیدا هێنا. 

ئەوەی پێویستە بیزانیت: فینلەندا، ڕووسیا بە درووستکردنی گوشار لە ڕێگەی ناردنی شەپۆلی کۆچبەرانەوە تۆمەتبار دەکات؛ تۆمەتێک کە ڕووسیا ڕەتیدەکاتەوە.