مام سلێمان و کامێراکەی دەستی؛ 50 ساڵە ئەرشیڤی شاری هەڵەبجەی دەکات

ئاڤا نیوز

 

مام سلێمان، نیو سەدەیە لەگەڵ خەون و خولیاکەی دەژی. چیرۆکی ئەمجارەمان لە هەڵەبجەوە دەست پێدەکات و باس لە مام سلێمان دەکات، کە بە کامێرا دەستییەکەی نزیکەی نیو سەدەیە وێنە دەگرێت و ئەرشیڤی شاری هەڵەبجە و دانیشتووانەکەی دەوڵەمەند دەکات.

ئەوەی پێویستە بیزانیت؛ عەشقی سلێمان ڕەحیم بۆ وێنەگرتن لە ساڵی 1975ەوە دەستی پێکردووە. ئەو جگە لە ئەرشیڤکردنی دیمەنەکانی شارەکە، ئەو کامێرانەشی پاراستووە کە وێنەی پێگرتوون و ژمارەیان دەگاتە بیست کامێرا. هەر یەک لەو کامێرانە چیرۆکێکی لە پشتەوەیە، کە سەرەتاکەی دەگەڕێتەوە بۆ ساڵی 1975.

لێدوانی فەرمی؛ مام سلێمان باسی یەکەم کامێرای خۆی دەکات و دەڵێت، لە کەسێکی خەڵکی ئێرانی بە نزیکەی 35 دیناری ئەو کاتە کڕیوویەتی.