سوید و ئۆکرانیا لەسەر مامەڵەی چەک ڕێکدەکەون

ئاڤا نیوز

سوید ڕازی بووە بەوەی چەک و کەرەستەی سەربازی بفرۆشێت بە ئۆکرانیا تا توانا سەربازییەکانی لەبەرامبەر ڕووسیا بەرز بکاتەوە.

چیرۆکی سەرەکی: ڤۆلۆدیمیر زێلێنسکی، سەرۆکی ئۆکرانیا، بە سەردانێکی فەرمی و بە مەبەستی کڕینی کەرەستەی سەربازی لە سویدە. بەگوێرەی ڕێککەوتنی نێوانیان، سوید 150 فڕۆکەی جەنگیی لە جۆری گریپێن بۆ ئۆکراینا دابین دەکات.

لێدوانی فەرمی: ئۆڵف کریستەرسۆن، سەرۆکوەزیرانی سوید ڕایگەیاند، توانای ئۆکرانیا بۆ وەڵامدانەوەی هێرشەکانی ڕووسیا بۆ سوید جێگەی بایەخ و گرنگییە.

ئەوەی پێویستە بیزانیت: لە شوباتی 2022ـەوە شەڕی نێوان ڕووسیا و ئۆکراینا دەستیپێکردووە و شەڕەکە بەردەوامە. وڵاتانی ڕۆژئاواییش بە دابینکردنی چەک و کەرەستەی سەربازی پشتیوانی لە ئۆکراینا دەکەن.