لە بنکەیەکی پۆلیس لە بەغدا غاز دەتەقێتەوە و کوژراو و بریندار هەیە

ئاڤا نیوز

تەقینەوەیەک لە بارەگای پۆلیسی وزە لە باشووری بەغدای پایتەخت ڕوویدا و بەهۆیەوە کارمەندێکی ئەمنی گیانی لەدەستدا و سێ کارمەندی دیکەش بە سەختی بریندار بوون.

زانیاریی بەدەستهاتوو: بەپێی سەرچاوەیەکی ئەمنی، تەقینەوەکە بەهۆی دزەکردنی غازەوە بووە لە کاتی کارەکانی چاککردنەوە لەناو یەکێک لە بارەگاکانی پۆلیسی وزە لە ناوچەی ئیبراهیم بن عەلی باشووری بەغدا، ئەمەش بووە هۆی سەرهەڵدانی ئاگرێکی گەورە لە شوێنی ڕووداوەکە

سەرچاوەکە ئاماژەی بەوەشدا،  جگە لەزیانی گیانی، تەقینەوەکە سووتانی سێ ئۆتۆمبێلی پۆلیسی وزە کە لە نزیک شوێنی تەقینەوەکە وەستابوون لێکەوتەوە.

زانیاریی زیاتر: هەر بەپێی ئەو سەرچاوەیە، بۆ زانینی هۆکارەکانی تەقینەوەکە و چۆنیەتی دزەکردنی غازەکە، هێزە ئەمنییەکان ناوچەکەیان گەمارۆداوە و لێکۆڵینەوەیەکی خێرایان دەستپێکردووە.