ڕووسیا مانۆڕی ئەتۆمیی ئەنجام دەدات

ئاڤا نیوز

شەڕی نێوان ڕووسیا و ئۆکرانیا بەردەوامە و هەردوولاش خۆیان بۆ شەڕی زیاتر ئامادە دەکەن، بە تایبەت ڕووسیا ڕاهێنانی لەسەر چەکی ئەتۆمی سەربازەکانی دەکات

ڕاگەیێنراوی فەرمی: کۆشکی سەرۆکایەتیی ڕووسیا، کرێملین، ڕایگەیاند ڕووسیا مانۆڕێکی سەربازیی گەورەی ئەنجام داوە و تێیدا ڕاهێنانی لەسەر چەکە ئەتۆمییە ستراتیژییەکان کردووە.

زانیاریی زیاتر: لە ڕاهێنانەکەدا مووشەک، ژێردەریایی، فڕۆکە بەکار براوە و مووشەکی کیشوەربڕی بالیستی تاقیکرداوەتەوە کە دەتوانێت بگاتە ئەمریکا و لەوێ ئامانجەکانی بپێکێت.

ڕاگەیاندنی ئەنجامدانی ئەم مانۆرە ئەتۆمییە دوای ئەوە هات کە ئەمریکا ڕایگەیاند کۆبوونەوەی چاوەڕوانکراوەی نێوان ترەمپ و پووتین، سەبارەت بە شەڕی ئۆکرانیا، دوا دەخرێت.

لەلایەکی دیکەوە: سوید ڕازی بووە بەوەی 150 فڕۆکەی جەنگیی جۆری گریپێن بە ئۆکرانیا بفرۆشێت تا لە شەڕی دژ بە ڕووسیا بەکاریان ببات.