زێلێنسکی پێشوازی لە سزاکانی ئەمریکا و ئەوروپا بۆ سەر ڕووسیا دەکات

ئاڤا نیوز

دوا بەدوای سەپاندی سزای نوێ بەسەر مۆسکۆ لەلایەن هەریەکە لە ئەمریکا و ئەوروپاوە سەرۆکی ئۆکرانیا ستایشی سزاکان دەکات.

چیرۆکی سەرەکی: یەکێتیی ئەوروپا و ئەمریکا سزای نوێیان بەسەر ڕووسیادا سەپاند، ئەمەش لە هەوڵێکدا بۆ ناچارکردنی کرێملین بۆ ڕازیبوون بە ئاگربەستی دەستبەجێ لەگەڵ ئۆکرانیا.

لێدوانی فەرمی: ڤۆلۆدیمیر زێلێنسکی، سەرۆکی ئۆکرانیا لە کۆبوونەوەی لووتکەی یەکێتی ئەوروپا لە برۆکسل ڕایگەیاند "چاوەڕوانی ئەمە بووین، ئەمەش کاری خۆی دەکات و هەنگاوێکی زۆر گرنگە، هاوکات ئاماژەیەکی باشە بۆ وڵاتانی دیکە بۆ ئەوەی بەشداری لە سەپاندنی سزادا بکەن."

کاریگەریی و لێکەوتەکان: بڕیار وابوو بەمزووانە هەر یەکە لە پووتین و ترەمپ کۆببنەوە، بەڵام دواجار ترەمپ کۆبوونەوەکەی لەگەڵ پووتین هەڵوەشاندەوە، لە دەرئەنجام واشنتن سزای بەسەر هەردوو کۆمپانیای ڕووس نەفت و لوک ئۆیلی ڕووسیدا سەپاند.